Ae Sabz Gumbad Wale Lyrics

Ae Sabz Gumbad Wale Lyrics

Ae sabz gumbad wale manzoor dua karna
Jab waqt e naza’ aye deedar ata karna

Ae noor e khuda aakar aankhon mein sama jana
Ya dar pe bula lena ya khuwab mein aa jana
Ae parda nashee(n) dil kay parday mein raha karna
Jab waqt e naza’ aye deedar ata karna

Main qabar andheri main ghabraunga jab tanha
Imdaad meri karnay aajana Rasool Allah
Roshan meri turbat ko ae noor e khuda karna
Jab waqt e naza’ aye deedar ata karna

Mujrim hun jahaan bhar ka mehshar mein bharam rakhna
Ruswa e zamana hun daaman mein chupa lena
Maqbool yeh tarz meri lillah zara karna
Jab waqt e naza’ aye deedar ata karna

Chehray se ziya paai in chaand sitaaro(n) ne
Us dar se shifa paai dukh dard ke maaro ney
Aata hai unhe Sabir har dukh ki dawa karna
Jab waqt e naza’ aye deedar ata karna