Aye Saba Mustafa Se Keh Dena Lyrics

Aye Saba Mustafa Se Keh Dena Lyrics

Aye Saba Mustafa Se Keh Dena
Gham ke maare salam kehte hain
Yaad karte hain tumko shaam o sahar
Dil hamare salam kehte hain

Allah Allah huzoor ki baatein
Marhaba rang o noor ki baatein
Chaand jin ki balaaein leta hai
Aur taarey salaam kehte hain

Allah Allah huzoor ke gesu
Bheeni bheeni mehekti wo khushbu
Jin se maamur hain fiza e so
Wo nazaare salaam kehte hain

Jab Muhammad ka naam aata hai
Rehmato(n) ka payaam aata hai
Lab hamare durood parhte hain
Dil hamaray salaam kehte hain

Ashiqo(n) ka salaam le jao
Ghamzado(n) ka payaam le jao
Haajio Mustafa se keh dena
Be saharay salaam kehte hain

Zikr tha aakhri maheenay ka
Tazkira chirr gaya Madinay ka
Haajio Mustafa se keh dena
Gham ke maaray salaam kehte hain

Zaairey Taiba tu madinay main
Sohnay Aaqa se itna keh dena

Ke izn mil jaye phir madinay ka
Kaam ban jaye ga kameenay ka
Jaake unko dikhaunga main to
Zakhm e dil aur daagh seenay ka

Zaairey Taiba tu madinay main
Sohnay Aaqa se itna keh dena
Aap ki gard e raah ko Aaqa
Chaand taarey salaam kehte hain

Leave a Reply

Your email address will not be published. Required fields are marked *