Har Waqt Tasawwur Mein Naat Lyrics

Har Waqt Tasawwur Mein Naat Lyrics

Har Waqt Tasawwur Mein Madinay ki gali ho
Aur yaad Muhammad ki meray dil mein basi ho

Jab aao(n) Madinay main to ho chaak girebaa(n)
Ankho(n) se barasti hui ashko(n) ki jhadi ho

Ae kaash main ban jaao(n) Madinay ka musafir
Phir roti hui Taiba ko baraat chali ho

Ae kaash Madinay main mujhe maut yun aaey
Qadmo(n) main teray sar ho meri rooh chali ho

Jis waqt nakeerain meri qabar main aayen
Us waqt mere lab pe saji Naat e Nabi ho

Allah karam aisa kare tujhpe jaha(n) me
Ae Dawateislami teri dhoom machi ho

Aaqa ka gadaa hun Ae jahannam tu bhi sun lay
Wo kaise jale jo ke Ghulam e Madani ho

Aaqa ki shafa’at se to jannat hi milegi
Ae kash ke qadmo(n) main jaga unke mili ho

Mehfooz sada rakhna shaha be adabo(n) se
Aur mujh se bhi sarzad na kabhi be adabi ho

Attar hamara hai isay hashr main ae kaash
Dast e shah e batha sai yehi chithi mili ho

Leave a Reply

Your email address will not be published. Required fields are marked *