Alvida Alvida Mahe Ramzan Lyrics

Alvida Alvida Mahe Ramzan Lyrics

Qalb e Aashiq hai ab para para
Alvida Alvida Mahe Ramzan
Kulfat e Hijr o Furqat ne maara
Alvida Alvida Mahe Ramzan

Tere Aane se Dil khush hua tha
Aur Zauq e Ibadat barha tha
Aah! Ab Dil Pe Hai Gham ka Ghalba
Alvida Alvida Mahe Ramzan

Masjidon mein Bahaar Aagayi thi
Jauq dar Jauq Aate Namazi
Hogaya kam Namazon ka jazba
Alvida Alvida Mahe Ramzan

Bazm e Iftar Sajti thi kesi
Khoob Sehri ki Ronaq bhi Hoti
Hogaya Ab Samaa Suna Suna
Alvida Alvida Mahe Ramzan

Kuch na Husn e Amal kar Saka hoon
Nazr chand ashk mein kar raha hoon
Bas yehi meri kul Asasa
Alvida Alvida Mahe Ramzan

Tere Deewane Ab Ro rahe hain
Muztarib sab ke sab ho rahe hain
Haye Ab Waqt e Rukhsat hai Aaya
Alvida Alvida Mahe Ramzan

Yaad Ramzan ki Tarpa Rahi Hai
Aansuoon ki jhari Lag rahi hai
Keh Raha hai ye har aik qatra
Alvida Alvida Mahe Ramzan

Jab Guzar Jayengay Mah Giyaara
Teri Aamad ka phir shor hoga
Kiya meri Zindagi ka bharosa
Alvida Alvida Mahe Ramzan

Tum pe Lakhon Salam Mahe Ramzan
Tum pe Lakhon Salam Mahe Ghufran
Jao Hafiz Khuda Ab Tumhara
Alvida Alvida Mahe Ramzan

Wasta Tujhko Meethay Nabi ka
Hashr Main humko mat bhool jana
Roz e Mahshar hume bakhshwana
Alvida Alvida Mahe Ramzan

Mahe Ramzan ki range(n) hawa’oon
Abr e Rahmat se Mamroo fazaoon
Lo Salam aakhri ab hamara
Alvida Alvida Mahe Ramzan

Sag e Attar badkar kahil
Rehgaya ye Ibadat se Ghafil
Isse khush hoke hona rawana
Alvida Alvida Mahe Ramzan

Saal Aainda Shaah e Haram Tum
Karna Attar Per Yeh Karam Tum
Tum Madine Mein Ramzan Dikhana
Alvida Alvida Mahe Ramzan