Ya Hussain Ibn e Ali Lyrics – Manqabat Imam Hussain

Ya Hussain Ibn e Ali Lyrics – Manqabat Imam Hussain

Hazaro mai wo bahattar (72) tan thay tasleem o raza walay
Haqeeqat mai khuda unka tha aur ye thay khuda walay
Hussain ibn e Ali ki kya madad kar sakta tha koi
Wo khud mushkil kusha aur thay mushkil kusha walay

Allah ki raza hai mohabbat Hussain ki
Likhta hoon khoon e dil se shahadat Hussain ki
Ya Hussain ibn e Ali, Ya Hussain ibn e Ali
Ya Hussain ibn e Ali, Ya Hussain ibn e Ali

Jab Karbala mai aaye dularaay Batool ke
Sher e khuda ke Laal nawasaay Rasool kay
Charo(n) taraf say gher liya fouj e shaam ne
Ye zulm Sayyado(n) pe kiya fouj e shaam ne

Ik zakhm dil pe aur bhi gehra laga diya
Darya pe bhi la’eeno(n) ne pehra laga diya
Ya Hussain ibn e Ali, Ya Hussain ibn e Ali
Ya Hussain ibn e Ali, Ya Hussain ibn e Ali

Zainab ne jab nigahoo(n) se dekha ye majra
Aa kar kaha Hussain se bhayya suno zara
Karti hun is ghareebi main mai aakhri sawal
Khidmat mai leke aayi hoon mai apne dono laal

Mana ke ye tumhari behen ka qarar hai
Pyaray Hussain tujh pe ye bachchay nisaar hain
Ya Hussain ibn e Ali, Ya Hussain ibn e Ali
Ya Hussain ibn e Ali, Ya Hussain ibn e Ali

Zainab ki baat sun ke shah e deen ro diye
Jaise kisi ne rooh mai nishtar chubho diye
Farmaya jaao rann ki ijazat bhi hum ne di
Inko shaheed hone ki izzat bhi hum ne

Zainab tumhare laal lahoo mai nahaye(n) gy
Ye laal hum se pehlay hi jannat main jayen gy
Shabbir itna keh ke pareshaan ho gaye
Aon o Muhammad aap pe qurbaan ho gaye
Ya Hussain ibn e Ali, Ya Hussain ibn e Ali
Ya Hussain ibn e Ali, Ya Hussain ibn e Ali

Asghar Ali bhi raahiye baagh e iram hue
Abbas ke bhi nehr py baazu qalam hue
Qaasim ka seena chid gaya Akbar hue shaheed
Raah e khuda main sab hi Dilawar hue shaheed

Zahra ka sabr chin gaya Haider ka ghar luta
Afsoos Karbala mai Payambar ka ghar luta
Ya Hussain ibn e Ali, Ya Hussain ibn e Ali
Ya Hussain ibn e Ali, Ya Hussain ibn e Ali

Ik dard se Imam ka chehra udaas hai
Mehsoos ho rha hai ke Kaaba udaas hai
Bachchon ka dukh hai seenay mai fikr e haram bhi hai
Aur iske saath nana ki ummat ka gham bhi hai

Sher e khuda ke sher ki halat ajeeb hai
Wo khoob jante hain shahadat qareeb hai
Ya Hussain ibn e Ali, Ya Hussain ibn e Ali
Ya Hussain ibn e Ali, Ya Hussain ibn e Ali

Beemar nunehaal ko bistar pe choor kar
Shabbir rann mai chal diye ghore ko mor kar
Seenay mai apne jazba e imaa(n)liye hue
Nikle hain lab pe aayat e Quran liye hue

Ji jaan hi azeez na raahat azeez thi
Unhai(n) to Karbala mai shahadat azeez thi
Ya Hussain ibn e Ali, Ya Hussain ibn e Ali
Ya Hussain ibn e Ali, Ya Hussain ibn e Ali

Darya bahaa jo fouj ka piyaasay ko dekh kar
Sab kaanp uthe Nabi ke nawase ko dekh kar
Teer o tameer barasney lagay shaah e deen par
Khoon e Hussain girnay laga jab zameen par

Us khoo(n) ko firishtoo(n) ne daaman main lelia
Ik boond ko bhi rait pe girnay nahi diya
Ya Hussain ibn e Ali, Ya Hussain ibn e Ali
Ya Hussain ibn e Ali, Ya Hussain ibn e Ali

Zakhmoo(n) se choor hogaya jo Murtaza ka laal
Sajday mai sar jhuka ke kaha Rabb e Zuljalal
Taighoo(n) ke saye main mera sajda qabool kar
Ye aakhri namaz hai Maula qabool kar

Is tarha poora ho gaya taqdeer ka likha
Sukhe gale pe chal gaya khanjar la’een ka
Ummat ko yun bachaya shah e be-misaal ne
Sajday main sar kata diya Zahra ke laal ne

Ya Hussain ibn e Ali, Ya Hussain ibn e Ali
Ya Hussain ibn e Ali, Ya Hussain ibn e Ali