Tera Naam Khwaja Moinuddin Lyrics

Tera Naam Khwaja Moinuddin Lyrics

Tera naam khwaja Moinuddin
Tu Rasool e paak ki aal hai
Teri shaan khwaja e khwajagaan
Tujhe bekasoo(n) ka khayaal hai

Mera bigra bakht sanwar do
Meray khwaja mujh ko nawaaz do
Teri ik nigaah ki baat hai
Meri zindagi ka sawaal hai

Main gadaa e khwaja e chisht hoon
Mujhe is gadaai pe naaz hai
Mera naaz khwaja pe kiyun na ho
Mera khwaja banda nawaaz hai

Mera khwaja ataa e rasool hai
Wo bahaar e chisht ka phool hai
Wo bahaar e gulshan e Fatima
Chaman e Ali ka nihaal hai

Yahaan bheek milti hai be-gumaa(n)
Ye bare sakhi ka hai aastaa(n)
Yahaan sab ki bharti hain jholiyaa(n)
Yeh dar e Ghareeb Nawaaz hai