Hirz e Jaan Zikr e Shafaat Keejiye Naat Lyrics

Hirz e Jaan Zikr e Shafaat Keejiye Naat Lyrics

Hirz e jaa(n) zikar shafaat keejiye

Naar se bachney ki soorat keejiye

Unn ke naqsh e pa pay ghairat keejiye

Aankh se chuup kar ziyarat keejiye

Unn ke husn e ba malahat par nisar

Shera e jaa(n) ki halawat keejiye

Unn ke dar par jaisay ho mit jaiyen

Naatwaano(n)! Kuch to himmt keejiye

Phair deejiay panja e dev e la’ee(n)

Mustafa ke bal pay taaqat keejiye

Doob kar yaad e lab e shadaab mein

Aab e kausar ki sabahat keejiye

Yaad e qaamat karte uthiye qabar se

Jaan e mehashar par qayamat keejiye

Unn ke dar par bethiye ban kar faqeer

Be nawaao fikr e sarwat keejiye

Jis ka husn allah ko bhi bha gaya

Aisay pyare se mohabbat keejiye

Hi baqi jis ki karta hai sana

Martay dam tak us ki midhat keejiye

Arsh par jis ki kamanain charh gayeen

Sadqy is baazu pay quwwat keejiye

Neem waa tayyeba ke phoolon par ho aankh

Bulbuloo! Paas e nazakat keejiye

Sar se girta hai abhi bar e gunah

Kham zara farq e iradat keejiye

Aankh to uthtee nahi kya den jawab

Hum pay be pursish hi rehmat keejiye

Uzr badtar az guneh ka zikr kya

Be sabab hum par inayat keejiye

Naara kijye ya rasool allah ka

Muflisoo! Saman e doulat keejiye

Hum tumahray ho ke kis ke paas jayen

Sadqa shehzado(n) ka rehmat keejiye

Man ra’ani qad ra’al haqq jo kahe

Kya baya(n) us ki haqeeqat keejiye

Aalim e ilm do saalam hain huzoor

Aap se kya arz haajat keejiye

Aap sultan e jahan hum be nawa

Yaad hum ko waqt nemat keejiye

Tujh se kya kya ae mere taiba ke chaand

Zulmat e gham ki shikayat keejiye

Dar badar kab taq phiren khasta kharab

Taiba mein madfan inayat keejiye

Har baras woh qaflon ki dhoom dhaam

Aah suniye aur ghaflat keejiye

Phir palat kar munh nah uss janib kya

Sach hai aur da’waaye ulfat keejiye

Uqarba hubb e watan be himmati

Aah kis kis ki shikayat keejiye

Ab to aaqa munh dikhaane ka nahi

Kis terhan raf’a e nidamat keejiye

Apne hathon khud luta baithy hain ghar

Kis pay da’waaey bazaa’at keejiye

Kis se kahiye kya kiya kya ho gaya

Khud hi apne par malamat keejiye

Arz ka bhi ab to munh parta nahi

Kya ilaaj e dard e furqat keejiye

Apni ik meethi nazar ke shehad se

Chara e zehr e museebat keejiye

Day khuda himmat ke yeh jaan e hazee(n)

Aap par waare(n) woh soorat keejiye

Aap hum se barh ke hum par mehrbaa(n)

Hum karen jurm aap rehmat keejiye

Jo nah bhola hum ghareebo(n) ko raza

Yaad uss ki apni aadat keejiye

Leave a Reply

Your email address will not be published. Required fields are marked *