Karbala Ke Jaan Nisaron Ko Salam Lyrics

Karbala Ke Jaan Nisaron Ko Salam Lyrics

Karbala ke janisaaro ko salam
Fatima Zahra ke piyaro(n) ko salam

Karbala teri baharoo(n) ko salam
Janisari ke nazaaro ko salam

Ya Hussain ibn e Ali mushkil kusha
Aap ke sab janisaaro(n) ko salam

Akbar o Asghar pe jaa(n) qurbaan ho
Mere dil ke tajdaro(n) ko salam

Qasim o Abbas par lakho(n) durood
Karbala ke shehsawaro(n) ko salam

Jis kisi ne karbala main jaan di
Un sabhi imaan daro(n) ko salam

Bhoki piyasi bibiyo(n) par ho durood
Bhokay piyasay gul-azaro(n) ko salam

Bhed kia jaane shahadat ka koi
Un Khuda ke raazdaaro(n) ko salam

Bebasi main bhi hayaa baaqi rahi
Sab Hussaini parda daaro(n) ko salam

Rahmate(n) ho(n) har Sahabi par mudaam
Aur khusoosan chaaryaaro(n) ko salam

Bibiyo(n) ko Abid e beemar ko
Bekasoo(n) ko sab becharo(n) ko salam

Ho gaye qurbaa(n) Muhammad aur Aon
Sayyida Zainab ke pyaro(n) ko salam

Jo Hussaini qafiley main thy shareek
Kehte hain Attar saaro(n) ko salam