Yaa Ilahi Har Jagah Teri Ataa Ka Saath Ho with Lyrics
Yaa ilahi har jagah teri ataa ka sath ho
Jab pare mushkil shah e mushkil kusha ka sath ho
Yaa ilahi bhool jaao(n) naz’aa ki takleef ko
Shadi e deedar husn e mustafa ka sath ho
Yaa ilahi goar terah ki jab aaye(n) sakht raat
Unn ke pyare munh ki subh e jaa(n) fiza ka saath ho
Yaa ilahi jab parre mehashar mein shore daarogeer
Aman dainay walay pyare peshwa ka saath ho
Yaa ilahi jab zubanai(n) bahar ayen pyaas se
Sahib e kausar shah e jood o ataa ka sath ho
Yaa ilahi sard mehri par ho jab khurshid hashar
Sayyed bey saya ke zil lawa ka sath ho
Yaa ilahi garmi e mehashar se jab bharkay badan
Daman e mehboob ki thandhi hawa ka sath ho
Yaa ilahi naama e aamaal jab khulne lagen
Aib posh e khalq sattar e khata ka sath ho
Yaa ilahi jab behain ankhen hisaab e jurm mein
Unn tabassum raez honton ki duaa ka sath ho
Yaa ilahi jab hisaab e khandah e beja rulay
Chashm e giryaa(n) shafi e murtajaa ka sath ho
Yaa ilahi rang lae(n) jab meri be baakiya(n)
Unn ki neechi neechi nazro(n) ki haya ka sath ho
Yaa ilahi jab chaloon tareek raah e pull siraat
Aftaab haashmi noor ul huda ka sath ho
Yaa ilahi jab sar e shamsheer par chalna pare
Rabb e sallim kenay walay ghamzudah ka sath ho
Yaa ilahi jo duaye naik mein tujh se karoon
Qudsiyo(n) ke lab se amee(n) rabbana ka sath ho
Yaa ilahi jab raza khuwab e gira(n) se sir uthaiye
Dolat e bedaar ishq e mustafa ka sath ho
Ameen !