Utha Do Parda Dikha Do Chehra Ke Noor e Baari Hijaab Mein Hai Naat Lyrics

Utha Do Parda Dikha Do Chehra Ke Noor e Baari Hijaab Mein Hai Naat Lyrics

 

Utha do parda dikha do chehra ke noor e baari hijaab mein hai

Zamana taareek ho raha hai ke mohar kab se naqaab mein hai

Nahi woh meethi nigah wala khuda ki rehmat hai jalwa farma

Gazab se un ke khuda bachaaye jalal e baari atab mein hai

Jali jali boo se uss ki peda hai soozish ishq e chashm wala

Kabaab ahu mein bhi nah paaya maza jo dil ke kabaab mein hai

Unhi(n) ki boo maya e suman hai unhen ka jalwa chaman chaman hai

Unhi(n) se gulshan mehak rahay hain unhen ki rangat ghulaab mein hai

Teri jalw mein hai maah e taiba halal har marg o zindagi ka !

Hayaat jaa(n) kaar kaab mein hai mamaat a’ada ka daab mein hai

Siya libaasan e daar duniya o sabz pooshaan e arsh aala

Har ik hai un ke karam ka spiyasa yeh faiz unn ki janab mein hai

Woh gul hain lab haae naazuk un ke hazaron jhartay hain phool jin se

Ghulaab gulshan mein dekhe bulbul yeh dekh gulshan ghulaab mein hai

Jali hai soaz jigar se jaan tak hai taalib jalwa e mubarak

Dikha do woh lab ke aabb haiwaa(n) ka lutf jin ke khitaab mein hai

Kharray hain munkar nakeer sar par na koi haami nah koi yawar !

Bata do aakar mere peyambar ke sakht mushkil jawab mein hai

Khuda e qahhar hai gazab par khule hain badkaariyo(n) ke daftar

Bacha lau aakar shaf’i e mehshar tumhara banda azaab mein hai

Kareem aisa mila ke jis ke khule hain haath aur bharay khazanay

Bataao ae muflisoo! Ke phir kyun tumhara dil iztiraab mein hai

Gunah ki tareekiyan yeh chae(n) umand ke kaali ghatain ayen

Khuda ke khurshid mohar farma ke zarraa bas iztiraab mein hai

Kareem apne karam ka sadqa laeem be qadar ko na sharmaa

Too aur raza se hisaab lena raza bhi koi hisaab mein hai

Leave a Reply

Your email address will not be published. Required fields are marked *