Rok Leti Hai Aapki Nisbat Lyrics
Rok leti hai aapki nisbat
Teer jitney bhi hum pay chaltay hain
Yeh karam hai Huzoor ka hum par
Aanay walay azaab taltay hain
Wohi bhartay hain jholiya(n) sab ki
Woh samajhty hain boliyaa(n) sab ki
Aao bazar e Mustafa ko chalen
Gham khushi main wahin pay dhaltay hain
Apni aukaat sirf itni hai
Kuch nahi baat sirf itni hai
Kal bhi tukro(n) pay unke paltay thay
Ab bhi tukro(n) pay unke paltay hain
Ab humei(n) kya koi giraey ga
Har sahara galay lagaye ga
Hum ne khud ko gira liya hai wahan
Girnay wale jahan sambhaltay hain
Zikr e Sarkar ke ujalo(n) ki
Be nihayat hain rifa’tei(n) Khalid
Yeh ujalai(n) kabhi na simtai(n) gy
Yeh wo sooraj nahi jo dhaltay hain