Paish e Haq Muzda Shafaa’at Ka Sunatay Jayen Gey Naat Lyrics

Paish e Haq Muzda Shafaa'at Ka Sunatay Jayen Gey Naat Lyrics, Pesh e haq mujda shafaat ka sunatay jaen gay

 

Paish e haq muzda shafaa’at ka sunatay jaye(n) ge

Aap rotay jaye(n) gey hum ko hansate jaye(n) ge

Dil nikal janey ki ja hai aah kin aankho(n) se woh

Hum se pyaason ke liye darya bahate jaye(n) ge

Kushtgaan e garmi e mehshar ko woh jaan e maseeh

Aaj daman ki hawa day kar jilatay jaye(n) ge

Gul khulay ga aaj yeh unn ki naseem faiz se

Khoon rotay ayen ge hum muskuratay jaye(n) ge

Haan chalo hasrat zado suntay hain woh din aaj hai

Thi khabar jis ki ke woh jalwa dikhata jaye(n) ge

Aaj eid e aashiqaa(n) hai gar khuda chahay ke woh

Abruye paiwastah ka aalam dikhata jaye(n) ge

Kuch khabar bhi hai faqeero aaj woh din hai ke woh

Nemat e khald apne sadqy mein lutatay jaye(n) ge

Khaak uftado bas unn ke anay hi ki daer hai

Khud woh gir kar sajda mein tum ko uthate jaye(n) ge

Wus’atein di hain khuda naay daman e mehboob ko

Jurm khultay jayen ge aur woh chupatay jaye(n) ge

Lo woh aaye muskuratay hum aseero(n) ki taraf

Khrman e isyaa(n) par ab bijli giratay jaye(n) ge

Aankhh kholo ghamzado dekho woh giryaa(n) aeye hain

Looh e dil se naqsh e gham ko ab mitatay jaye(n) ge

Sokhta janoo(n) pay woh pur josh rehmat aaye hain

Aab e kusar se lagi dil ki bhujaty jaye(n) ge

Aftaab unn ka hi chamkay ga jab ouron ke chairag

Sar sar josh e bulaa se jhil milaate jaye(n) ge

Paye kobaa(n) pul se guzre(n) ge teri aawaz par

Rab e sallim sada par wajd laatay jaye(n) ge

Sarwar e dee(n) lije apne naatwanoo(n) ki khabar

Nafs o shaitan sayyeda kab tak dabatay jaye(n) ge

Hashar tak dalai(n) ge hum paidaish e moola ki dhoom

Misl e faris najd ke qilay giratay jaye(n) ge

Khaak ho jaye(n) ado jal kar magar hum to raza

Dam mein jab tak dam hai zikr unn ka sunatay jaye(n) ge

 

Leave a Reply

Your email address will not be published. Required fields are marked *