Lutf Un Ka Aam Ho Hi Jaye Ga Naat Lyrics

Lutf Un Ka Aam Ho Hi Jaye Ga Naat Lyrics

Lutf Un Ka Aam Ho Hi Jaye Ga Naat Lyrics

Lutf un ka aam ho hi jaye ga

Shaad har nakaam ho hi jaye ga

Jaan day do wa’da e deedar par

Naqad apna daam ho hi jaye ga

Shaad hai firdous y’ani aik din

Qismat e khuddam ho hi jaye ga

Yaad reh jayen gi yeh be bebaakiyaa(n)

Nafs to toraam ho hi jaye ga

Be nishaano(n) ka nisha(n) mit-ta nahi

Mit-tay mit-tay naam ho hi jaye ga

Yaad e gaisu zikr e haq hai aah kar

Dil mein peda laam ho hi jaye ga

Aik din aawaz badlei(n) ge yeh saaz

Chehchaha kohram ho hi jaye ga

Saailo! Daman sakhi ka thaam lo

Kuch nah kuch in’aam ho hi jaye ga

Yaad abro kar ke tarpo bulbuloo !

Tukray tukray daam ho hi jaye ga

Mufliso! Unn ki gali mein ja paro

Bagh e khuld ikraam ho hi jaye ga

Gar yunhi rehmat ki taweelain rahi(n)

Madah har ilzaam ho hi jaye ga

Baadeh khawari ka samaa bandhne to do

Sheikh durd aasham ho hi jaye ga

Gham to un ko bhool kar lipta hai yu(n)

Jaisay apna kaam ho hi jaye ga

Mit! Ke gar yuhi(n) raha karz e hayaat

Jaan ka nelaam ho hi jaye ga

‘Aaqilo! Un ki nazar seedhi rahay

Baoro(n) ka bhi kaam ho hi jaye ga

Ab to layi hai shafaat afw par

Barhatay barhatay aam ho hi jaye ga

Ae raza har kaam ka ik waqt hai

Dil ko bhi aaram ho hi jaye ga

Exit mobile version