Haajiyo! Aao Shehenshah Ka Roza Dekho Beautiful Naat With Lyrics
Haajiyo! Aao Shehenshah Ka Roza Dekho Beautiful Naat With Lyrics
Haajiyo! Ao shenshah ka roza dekho
Kaaba to dekh chuke kaabey ka kaaba dekho
Rukn e shami se miti wehshat sham e gurbat
Ab madinah ko chalo subh e dil aara dekho
Aab e zamzam to piya khob bujhayen piyasai(n)
Ao jood sheh kusar ka bhi darya dekho
Zair e maizaab miley khoob karam ke cheenthay
Abre rehmat ka yahan zor barasna dekho
Dhoom dekhi hai dar e kaaba pay betaboo(n) ki
Unn ke mushtaaqo(n) mein hasrat ka tarapna dekho
Misl parwana phira karte they jis shama ke gird
Apni uss shama ko parwana yahan ka dekho
Khob aankhon se lagaya hai ghilaaf kaaba
Qasr e mehboob ke parday ka bhi jalva dekho
Wa(n) mutee’o(n) ka jigar khauf se pani paaya
Yaan siya karon ka daman pay machalna dekho
Awwalee(n) khaana e haq ki to zeaien dekhen
Aakharee(n) baet nabi ka bhi tajallas dekho
Zeenat kaaba mein tha laakh arooso(n) ka banaao
Jalwa farma yahan konain ka dulha dekho
Aiman tor ka tha rukan yamani mein farogh
Sh’ola e tor yahan anjuman aara dekho
Mohar madar ka maza deti hai agosh hateem
Jin pay maa baap fida yaan karam un ka dekho
Arze haajat mein raha kaaba kafeel injah
Aao ab daad rassi sheh tayyiba dekho
Dho chuka zlmat e dil boosa e sang e aswad
Khaak bosi madinah ka bhi rutba dekho
Kar chuki riffat kaaba pay nazar parwazein
Topi ab thaam ke khakŲ dar-e wala dekho
Be nayazi se wahan kaanpti payi taat
Josh e rehmat pay yahan naz guneh ka dekho
Jum’a e mecca tha eid ehley ibadat ke liye
Mujrimo! Ao yahan eid doshanba dekho
Multazim se to gilaay lag ke nikalay arman
Adab o shoq ka yaan baahum ulajhna dekho
Khoob mas’aa mein ba umeed safa daur liye
Rah janan ki safa ka bhi tamasha dekho
Raqs bismal ki baharen to money mein dekhen
Dil e khon naba fishan ka bhi tarapna dekho
Ghor se sun to raza kaaba se aati hai sada
Meri aankhon se mere pyare ka roza dekho
